ورقة وقلم

مره كنت فاضيه فيها .. مسكت ورقه بيضا .. وقلم .. 

كتبت فيها اسم الصحاب .. الموجودين .. 

لقيت الورقه .. شبه فاضيه .. 

فيها اسمك انت .. يا امي .. اول اسم .. 

وكان فيها وراكي .. كده كام اسم .. 

رغم ان زمان كانو .. مليون اسم .. 

رحتو فين؟ .. 

فين صحابي اللي كانو لمّا .. يقولو لمه .. يقولو نخرج .. اقول يللا .. 

كنا نلعب سوا .. لساعات .. 

تداوي حبة حاجات .. 

نرجع نفوسنا رايقه .. 

قلوبنا صافيه .. عقولنا فايقه ..

دي مش رساله عتاب ..

اصل حعاتب ليه .. وحعاتب مين .. وانا منكم .. 

و انتو السفر .. مغربكم .. وباعدكم .. 

حبيت اقول .. وحشتوني .. 

وحشتني تشوفكم عيوني ..

وحشتني صُحبتنا .. وجمعتنا .. وحكايتنا ..

وحشتني العابنا .. اماكننا .. وتفاصيلنا .. 

وحشتني اكلاتنا .. ضحكتنا .. وصورنا ..