شخابيط (2)

فاكرين .. لما كنا سوا ماشين .. في طريقنا وعايشين .. بين البيوت و الشوارع .. تايهين .. بندور على روحنا .. بندور على طريقة .. نمحي بيها جروحنا .. ولسّانا في طريقنا .. لسه مرَوّحنا .. ايوه اتفرقنا .. فجأه كده بقينا .. بنكمل لوحدينا .. بنكمل في طريقنا .. ولسّانا في طريقنا .. بندور على روحنا .. ولسه مروَّحنا ..

وياترى حنوصل .. حتى لو وصلنا .. يا ترى حنفهم .. إننا وصلنا .. و خلّصنا  ...ولاّ حنفضل كده .. تايهين .. في طريقنا مش عارفين .. وصلنا ولا لسه ..حنفضل مش حسّين ...وصلنا ولا تهنا ..

وليه كل منقرّب .. بنلاقي الطُرُق .. كترت حوالينا .. وكإن النهاية دابت .. وسط السراب .. حتى لو حبينا نرجع .. للبداية .. بنلاقيها زاغت .. في الشوراع .. وسط البيوت .. فاكرين وقت البداية.. زمان .. ايام الأمان .. لمّا كان موجود .. ايام لما كنا سوا .. ومكنش الظلم والظلام بيسود ..  

لسّانا بندور .. على روحنا .. مع روحنا .. لسّانا في طريقنا .. لوحدينا .. ولسّه مروّحنا ..

شخابيط (1)

أحيانا نكون .. غامضين

عندما نعتقد

أن أقرب شخص لنا

سيفهم غموضنا

سيقرأ أفكارنا

وبمجرد نظرة من عيوننا

أو إماءه من رأسنا

أو إشاره بيدنا

سيفهم ما نعنيه

دون أن نُبديه

....

ولكن عندما

لا يفهم حتى قولنا

بأبسط معانيه

بأوضح ما فيه

يجرح قلوبنا

يحطم مشاعر

جميلة في حياتنا

بأن هناك احد ما

يهتم لأمرنا

لدرجة أنه

يفهم غموضنا

كان كالطير

احاول ان ارى

حقيقة نفوس زائفة

وكدت ارى

او لا ارى

فانا لا ادرك النوى

ارى دوما

 فقط رفيق

بقف امامي 

في الطريق

يمد بالحب يدا

ثم يسحب كفه

يعود بأدراجه

كالطير اذا جرى

مرتدا عن دربه

زائلا لقناعه

فأخفى ورائه

عدوا .. مناورا .. بارعا

يتركني بعدها

كالطير .. اذا هوى

نادم على صدقه

للئيم قد خدعه

للئيم قد اتقن

دوره وابرع

بضحك عليك

مهما حاول يجرحني .. مش حتجرح
وان بكيت جوه قلبي .. مش حظهرو
وان بان لحظة مني .. مش حعترف
وان اعترفت بدمعي .. مش حقول السبب

اوعاك في يوم تصدق .. اني حنكسر
لما تجرحني حضحك .. وبردو حنتصر
لو لقيتني مرة بضحك .. أنا بضحك عليك
ببينلك حاجة .. مش جوايا .. ليك
برسمها بملامحي .. برسمها رغم جرحي
برسمها رغم قلبي .. بالدمع اتملى

اوعاك في يوم تصدق .. لو شفت دمعتي
وتقول عشانك انت .. فارقتني ضحكتي
انا حفضل مسكة فيها .. بكل قوّتي
وان نزلت دمعة مني .. حيبقى غصب عني
وان اعترفت بيها .. مش حقول السبب

مَرْكب

مَرْكِب .. انا مَرْكِب

في بحر واسع غويط

لا بخاف م الموج .. لحسن يغرقني ..

ولا م الهوا .. لحسن يطيرني ..

ولا م السفن .. لحسن تحاربني ..

بس بخاف م الناس .. لحسن تكسرني ..تدمرني ..

مَرْكِب .. انا مَرْكِب

بحس بكده كل مابقى نايم بظهري .. عالسرير ..

بحس اني عايم .. و شايل حِمل من الناس تقيل ..

مخلوق مخنوق و حاسس إني بغرق ..

عايز أصرخ بس مش قادر انطق..

عايز أنزِّلهم بس خايف أزعَّلهم ..

بتقلّب اقول يخافو .. لكن هما مكملين ..

مكملين جوه مَرْكِب مش عارفه رايحة فين ..

مكملين جوه مَرْكِب ماشية من غير شراع ..

حسّين بالأمان .. وانا اللي جوايا مليون صراع ..

مَرْكِب .. انا مَرْكِب

مَرْكِب تايهه في بحر السراب

لا السراب موجود

ولا البحر بيجود

فضلت تايهه في طريقها

محدش عايز يفيدها

ولا حد عايز يسيبها

مَرْكِب .. انا مَرْكِب

مَرْكِب من غير قبطان

من غير أمان

من غير جهه .. ولا عنوان

بس ليها شكل انسان

وهوه في الاصل

مَرْكِب ..

انا مَرْكِب

ذكريات الحنين

قست قلوب

ثم مضت .. في طريقها

مسرعة

وكأن شيئاً كان لم يكن

ولم تَحِنّ

و لن تعود

....

ورقّت قلوب

وأبت أن تظهر شوقها

وكأن لم ولن يُسمح لها

إلى ان ذابت بعد لهيبها

بشوق الحنين

....

وعاشت قلوب

من فَرط حبها

للتفاؤل .. للحياة

إلى أن ذاقت بنفسها

طعم الحنين

مُر الفراق

....

تملأني ذكريات

بها أحيى الحياه

شاب نقاؤها

قسوة قلوب

و لوعة فراق

....

هي ذكريات

سأمسك بها

فلن تنزع مني

شوق الحياة

....

ذكريات الحنين

هي ذكريات لماض

فارقناه

....

ذكريات الحنين

هي همسات

لغدٍ

قد يأتي سعيد

....

غدٍ يملؤه

شوق الحياه

....

المرايا

حينما رأيت نفسي
رأيتها صورة
على حطام مرايا
قديمة .. مكسورة .. وبالية

حينها أدركت أني
أُرى بالعين صورة أخرى
مشوهة .. زائفة و واهيه

يملكها
ذاك الكبرياء
فيغزوها

أحيانا من يراه
غرور صمت
فيتجنب

وأحيانا من يراه
ضعف انثى
فيستعجب

وأحيانا من يراه
لئم ذئب
فيتمكر

وهناك من يراه
هدوء مستفز
فيستهزأ

لملمت نفسي
من مرايا مبعثرة
على أمل
أن الشروخ قد تلتئم

لكن لا بد من بروز
فلا مفر
لا بد من شروخ
من المحن

رأيت نفسي في المرايا
رأيتها عدة صور

لم أجدها كما كانت في الصغر
رأيت حفرا .. وقد حاولت ردمها
رأيت شروخا .. وقد حاولت خفيها

هذه ليست أنا لوحدها
بل حالنا كلُّنا
حياتنا جميعنا
بين أطلال مرايا
منقوشة كصورة
واضحة
ومحزنة